"ഗ്രഹണസമയത്ത് ഞാഞ്ഞൂളും തലപൊക്കും" എന്നൊരു
ചൊല്ലുണ്ട്. വ്യംഗ്യത്തിൽ: വലിയൊരു മാരണത്തെ കാണുമ്പോൾ കൃമികീടങ്ങൾക്കും ഇത്തിരി
ഉശിര് കൂടും. ഇന്ത്യൻ സയൻസ് കോൺഗ്രസിൽ ശിവനെന്ന മഹാപ്രകൃതിസംരക്ഷകനേയും1
വൈമാനിക ശാസ്ത്രയേയും2 ഒക്കെ വാഴ്ത്തിപ്പാടുമ്പോൾ എന്തിന് ശബരിമല തന്ത്രിയായിട്ട്
കുറയ്ക്കണം? ഇരിക്കട്ടെ
ഒരു ലോഡ് അൾട്രാവയലറ്റ് രശ്മികൾ!
 |
| http://epaper.manoramaonline.com/ |
ഇന്നത്തെ മനോരമ പത്രം പത്തനംതിട്ട എഡീഷനിൽ വന്ന വാർത്തയാകുന്നു ഇത്. “ഗ്രഹണസമയത്തെ അൾട്രാവയലറ്റ് രശ്മി”കളിൽ നിന്ന് അയ്യപ്പ വിഗ്രഹത്തെയും ബാക്കി ദൈവങ്ങളേയും രക്ഷിക്കലാകുന്നു
തന്ത്രിയുടെ ലക്ഷ്യം. അയ്യപ്പന് ഒരു മണിക്കൂറോളം അൾട്രാവയലറ്റ് രശ്മികൾ പതിച്ചാല്‍
ശക്തിക്ഷയം ഉണ്ടാകും എങ്കിൽ ഒരു ശരാശരി കോമിക് ബുക്ക് ഹീറോയുമായി എന്ത് വ്യത്യാസം
എന്നും, അൾട്രാവയലറ്റ്
ബ്ലോക്ക് ചെയ്യുന്ന ഗ്ലാസുകൾ ഉപയോഗിച്ച് ദർശനം നൽകാൻ വഴിയൊരുക്കിക്കൂടെ എന്നതും
ഉൾപ്പെടെ അനേകം ചോദ്യങ്ങൾ ഇവിടെയുണ്ട്. അതൊക്കെ മാറ്റിനിർത്തി ഇന്ത്യൻ സയൻസിന്റെ
ഗ്രഹണകാലത്ത് തലപൊക്കിയ ഈ ഞാഞ്ഞൂളിനെ തീകാട്ടി ഓടിക്കാമോ എന്ന് നോക്കാം. (നടക്കും
എന്നെനിക്ക് പ്രതീക്ഷയില്ല; ഗ്രഹണം മൂർദ്ധന്യത്തിലേക്ക് കടക്കുന്നു)
എന്തുകൊണ്ട് ഗ്രഹണസമയത്ത് നടയടയ്ക്കുന്നു എന്നതിന്റെ വിശദീകരണം പോലെയാണ്
തന്ത്രിയുടെ പ്രസ്താവന. അതൊരാചാരമാണ്. അല്ലാതെ കാര്യകാരണ സഹിതം ഉള്ള ഒരു
പ്രക്രിയയല്ല. അതുകൊണ്ട് തന്നെ അത് വിശദീകരിക്കാതിരുന്നാല്‍ യാതൊരു കുഴപ്പവുമില്ല.
വേണ്ടാത്തിടത്ത് സയന്‍സ് പദാവലികള്‍ വലിച്ചിഴച്ച് സയന്‍സിനേയും വിശ്വാസത്തേയും
ഒരേപോലെ പരിഹാസ്യമാക്കുകയാണ് ഈ പ്രസ്താവന. അതില്‍ വിശ്വാസവുമില്ല; സയന്‍സുമില്ല.
 |
| http://www.dharmavidya.com/images/rahu-1.jpg |
പക്ഷേ, അതിനൊരു ഗുമ്മില്ല. അതാണ് പ്രശ്നം. അതുകൊണ്ട് എവിടുന്നോ ഗ്രഹണസമയത്ത്
അള്‍ട്രാവയലറ്റ് രശ്മികള്‍ പ്രശ്നമാണ് എന്ന് വായിച്ചതും ഇതും തമ്മില്‍ കൂട്ടിക്കെട്ടി
ഒരു കീച്ചല്‍! എന്ത് വിഡ്ഢിത്തം പറഞ്ഞാലും ആരും ചോദിക്കില്ല എന്ന സൗകര്യമുണ്ടല്ലോ?
 |
| https://www.theguardian.com/science/ |
 |
| https://www.theguardian.com/science/ |
അല്ലാതെ ഗ്രഹണസമയത്ത് സൂര്യന് പ്രത്യേക “ഗ്രഹണസ്പെഷ്യല്‍ ലിമിറ്റഡ് ഓഫര്‍” ആയി കുറേ അള്‍ട്രാവയലറ്റ് രശ്മികള്‍ കയറ്റിവിടുകയല്ല. തന്നെ കറങ്ങുന്ന അനേകം
ഗ്രഹങ്ങളിലൊന്നിന്റെ ഉപഗ്രഹം തനിക്കും ഗ്രഹത്തിനും ഇടയില്‍ വന്നു എന്ന്
തിരിച്ചറിഞ്ഞ് പ്രത്യേക രശ്മികള്‍ വിടാന്‍ സൂര്യന് കഴിയില്ല. അത് ഹൈഡ്രജനും
ഹീലിയവും നിറഞ്ഞ ഒരു വാതകഗോളമാണ്.
ഇനി അള്‍ട്രാവയലറ്റ് രശ്മികളെ ആണ് പേടി എങ്കില്‍ ഇനി ഒരു വിഗ്രഹവും പുറത്ത്
കാട്ടരുത്. സോളാര്‍ കൊറോണയും ആ രശ്മികളും അവിടെ തന്നെയുണ്ട്. എങ്ങോട്ടും പോകുന്നില്ല.6
നിങ്ങള്‍ക്ക് എന്തും വിശ്വസിക്കാനുള്ള സ്വാതന്ത്ര്യമുണ്ട്. പക്ഷേ, ശാസ്ത്രവസ്തുതകളെ
ഇങ്ങനെ വളച്ചൊടിച്ച് ജനങ്ങളില്‍ തെറ്റിദ്ധാരണ പരത്തരുത്. ഇന്ത്യയില്‍ ഒന്നാമത്
സയന്‍സിന്റെ വളര്‍ച്ച പടവലങ്ങ പോലെ അനുസ്യൂതം താഴോട്ടാണ്. (ഇതിനെപ്പറ്റി മുന്‍ലേഖനത്തില്‍
വ്യക്തമായി പരാമര്‍ശിച്ചിരുന്നു; ലിങ്ക് സഹിതം) അതിനിടയില്‍ ശാസ്ത്രവുമായി ഒരു
ബന്ധവും ഇല്ലാത്ത കിഴങ്ങന്മാര്‍ ഇതുപോലെ സയന്‍സിനെ ദുര്‍വ്യാഖ്യാനം ചെയ്‌താല്‍ ഒന്നാമതേ
വെന്റിലേറ്ററില്‍ ആയ സയന്‍സിനെ ശ്വാസം മുട്ടിക്കും പോലാകും.
 |
| http://epaper.manoramaonline.com/ |
സൂര്യഗ്രഹണം മൂലം നട അടയ്ക്കുന്നു. അതുമതി. അല്ലാതെ കൂടുതല്‍ ഡെക്കറേഷന്‍
ഒന്നും വേണ്ട!
അവലംബം:
1.
http://isc103.in/assets/img/
പെണ്ണുങ്ങളെ കണ്ടാൽ കണ്ട്രോള് പോകും.അൾട്രാ വയലറ്റ് അടിച്ചാൽ ശക്തി പോകും. എന്നിട്ട് പേര് കലിയുഗവരധായകൻ.ഈ ദൈവത്തെ സംരക്ഷിക്കാൻ ഭക്തന്മാരെല്ലാം കൂടിയൊരു ദുരിതാശ്വാസ നിധി തുടങ്ങുന്നത് നന്നാകും.
ReplyDelete